San Pietru, ca nu riuscìa crìcia a quiddhru ca ìa ntisu, mo’ fervìa propriu pe’ la raggia. E, intra te iddru, pinsà: – Cuarda quai stu fessa: lu Signore li concede none una, ma ddoi grazie e quiddhru ddhrai, invece te la crazia te l’anima, ce bae li cerca? Cu ncoddhrane li cristiani allu piru e alla seggia! Cose te pacci! Ma quistu ha natu propriu cussì, o ete ca lu face lu fintu fessa? Mah!… Assa bitimu se se ndhrizza.
-
Mesciu Giuanne!
-
Ehi, San Pietru, timme! Ce boi?
-
Eh, lampu! – tisse San Pietru. – Chieu te ticu li cerchi la crazia te l’anima e tie li ba cerchi la crazia te lu piru? Ma ce tieni intra ddhra capu? Oi capisci ca te la poi salvare l’anima? Tie te criti ca lu Signore nu sape ce hai cumbinatu sulla terra, an vita toa? Te criti ca quannu mori nu se ricorda te li scherzi ca hai fatti alli cchiù fessi te tie? Ete megliu ci piensi te moi, ca faci ancora a tiempu!
-
Eh!… Scherzi! – tisse iddhru facennu segnu cu la manu ca nu berane certu scherzi fiacchi.
-
Quarche cosa, cussì, tantu cu passamu lu tiempu! E sempre boni, poi! Mai cu cattiveria! – tisse lu Mesciu cu le ticite icine icine, fazza bitire ca erane scherzi te nienzi.
-
Eh!… Boni? Secondu tie ca l’hai fatti erane boni, ma nu pe’ ci l’ha ricevuti! – tisse San Pietru, pigliannu te pauta nu quadernettu tuttu cunsumatu. – Cuarda quai, nah!… Te ne ricordu una frisca frisca! Quiddhra te lu benettanima te lu Totu sacristanu.
-
Va bene, timmela! Ogliu propriu biciu ce sparpagli! – tisse cu na certa aria te finta ‘ncredulità lu Mesciu nosciu.
-
Te ricordi ce te tisse in amicizia ddhru cristianu, ddhra sira intra la putèa te mieuru te la chiazza? – lu ncusàu lu santu, stirannuse la barba bianca cu tutte e ddoi le manu.
(continua crai)