Cap II (Parte C)
Comu percene? Ca chieu tutti l’anni aggiu fatta la festa alli Santi Martiri e mo’ st’annu, paru paru, nu tegnu mancu na lira e nu pozzu fare nienzi. Comu l’aggiu cumbinare? E boi te ticu la verità? Me ne rriognu tantu, ca cu nu me ìciane li cristiani e cu nu me tìcane ”te quistu passa”, scusi scusi, me n’aggiu inutu a quai!
Puuuhhh! – tisse ntorna quiddhru. – Te quistu se tratta!? Ce si fessa Mesciu Giuanne! E dicune ca si trittu! Sordi oi? E ce problema nc’ete? Dimme quanti ne oi e tanti te ne tau!
Teveru? – critàu fiscannu lu Mesciu nosciu, comu sia ca nu nci critìa filu.
Sine! Pe’ mie nu nc’é nuddhru problema! Nienzi te cchiù facile! Te ne tau tanti quanti ne oi; tanti cu te bastane pe’ teice anni e pe’ teice anni cu faci sempre feste.
Mesciu Giuanne cuminciàu se fazza attentu ca ddhru discorsu ncignàu li piazza.
Teveru sta dici? Ma teveru teveru? – tisse nfilannu le parole una arretu all’aura senza ttuppa.
Sine, nu sta scherzu! Te tau quanti sordi oi, però a nu pattu!
Timme! Timme! – rispuse iddru.
Te tau quanti sordi oi, ma alla fine te li teice anni te n’hai binire cu mmie cu tutta l’anima toa. Hai capitu?
E ce te criti ca su scemu? Aggiu capitu! E ci sinti, lu tiaulu? In pratica, t’aggiu bìnnire l’anima! Nu si fessa, no! Nu bete ca oi picchi, poi!
Beh, allora? Ce decidi? – fice ntorna lu giovane.
(continua crai)
Cap. XVI (Parte D) QUANNU MESCIU GIUANNE DINTAU SANTU San Giuanne, protettore te li scarpari?…
Cap. XVI (Parte C) QUANNU MESCIU GIUANNE DINTAU SANTU Critàu nu giurnu tuttu acitatu Mesciu…
Cap. XVI (Parte B) QUANNU MESCIU GIUANNE DINTAU SANTU Mesciu Giuanne pigliau serviziu te…
Cap. XVI (Parte A) QUANNU MESCIU GIUANNE DINTAU SANTU San Pietru nu riuscìa se…
Cap. XV (Parte C) QUANNU MESCIU GIUANNE SE NE CIU AN PARATISU San Pietru cu nu…
Cap. XV (Parte B) QUANNU MESCIU GIUANNE SE NE CIU AN PARATISU Ehi! - dicìa a…