LU SCARPARU TE LU TIAULU di Franco Candido

Cap. XV (Parte C)

QUANNU MESCIU GIUANNE SE NE CIU AN PARATISU

• San Pietru cu nu sorrisu trionfante se bicinàu tuttu priciatu allu saccu, ca nu se spittà ca lu scarpuru te lu tiaulu se arrendìa tantu facilmente, e ncignàu crita:

• Egnane fore le anime cu tutti li paramenti ca lu poru Mesciu Giuanne nu pote fare nienti! – e quannu itte ca ceddhri issìa, tisse ntorna:

• Oh! A ddhra intra, miti ntisu? Egnane fore le anime cu tutti li paramenti ca lu poru Mesciu Giuanne nu pote fare nienti! – ma quannu itte ca ceddhri issìa, se spacinziàu, se bicinàu allu saccu cu lu apra e nci cuddhràu.

• Uhé, Mesciu Giuanne, ce misteru ete quistu? Nu ncignare faci lu fessa puru cu mie, sai?

• Ce boi dici? Te ce misteru hai parlannu?

• Comu te ce misteru? Nu biti ca aggiu ncuddhratu allu saccu? Nu biti ca nu me fitu filu me ne azzu? Comu fazzu cu me pigliu l’anime?

• Ah, addhrài su fatti toi! Nu sacciu chieu! Fane ce boi basta ca me dai lu saccu ca me n’aggiu scire ca allu nfiernu nu me olune, an Paratisu nu nboi me faci trasire… Nsomma, aggiu puru tinire lu tiempu me trou casa.

• Ma ce casa e casa? Tamme na manu chiuttostu! Chiutame cu me azzu!

• Ah, no, no! Prima me ne cacci te lu Paratisu; poi, te ne porti le anime mei e me cerchi puru chiutu? Ca poi, tie nu sinti Santu? Nu faci miraculi? E ce te custa te llibberi a sulu?

• Eh…! Sta provu! Sta provu, ma nienzi! Stu furmine te saccu pare ncantàtu! Ma te ce be fattu?

• Eh, caru San Pietru tie li canuscire bonu! Nu te ricordi la prima fiata ca inisti a casa mia e ca te mienzu mbriacasti cu lu mieru miu?

• Aspetta, aspetta… – fice lu Santu custode pinsannu megliu. – Nu bete ca quistu ete lu stessu saccu ca li cercasti la crazia allu Signore, no?

• Già! – rispuse iddhru. – Gnersì! Propriu quuiddhru ete! Nu te ricordi te le tre grazie ca me fice lu Signore: cu nci coddhrane alla seggia, allu piru e allu saccu! Ddhre tre grazie ca tie ticii ca aggiu sprecàte e ca ìa fattu megliu li cercu la grazia te l’anima. Mo’ sta biti ca aggiu fattu bonu?

• Già! Pe’ li fatti toi, però, none pe’ li mei! Mena e llibberame ca quiddhru ete nu miraculu te lu Maestru e chieu te fronte a quiddhri nu pozzu fare nienti!

• Te llibberu? E ci me la face fare? Chiuttostu tamme lu saccu e nu tirare cussì forte ca me lu strazzi tuttu!

• None! Nu hai capitu allora! Nu bete ca nu mbogliu, ete lu saccu ca nu me lassa. Nah! Cuarda, nah!

• San Pietru, te la ticu cu le bone, nu fare lu furbu, ca se no l’angilu mazzieri lu fazzu chieu. Nu nce filu bisognu bai tantu largu.

• Ce boi cu ddici? Chiutame chiuttostu ca Santa Pacienzia sta me spetta arretu alla porta.

• Tamme lu saccu e sbrigate, nu te la ticu cchiui. L’hai ista sta mazza? O me lu tai o te la fazzu ssaggiare e issioglia spetta Santa Pacienzia, ca chieu te quiddhra n’aggiu sempre tinuta picchi.

• Mesciu Giuanne azzàu la mazza ne li ssetta nu corpu, ma San Pietru li critàu:

• None! Fermu! Sacrilecu! Se atti nu Santu te sarà proibbitu per sempre lu Paratisu! – e se mise le razze a cruce sulla capu ca se critìa teveru ca ddhru pacciu scatinatu ulìa li fazza ssaggiare la mazza.

• E ce sacrilecu e sacrilecu! Persu ci persu ca ete lu Paratisu, vistu ca per curpa toa nu pozzu trasire, armenu me ne binchiu le manu, cussine te mpari!

• None! None! Fermu! – critàu San Pietru ca se itte persu, e tuttu ozzi ozzi. – Gesù miu, chiutame! Chiutame ca quistu ete pacciu!

• E béccute ca se ntise na uce ferma e decisa te retu alle spaddhre e Mesciu Giuanne rimase cu lu razzu azzatu ca nu riuscìa lu manna né annanzi, né arretu.

• Fermu! Fermu, figliu miu! An Paratisu mazzate nu se ne taune e a nu Santu, poi.

• Mesciu Giuanne ristàu te fessa; se girau, itte lu Signore e se nginucchiau.

• Perduname, Gesù miu! Ma stu Santu Pietru tou, le mazzate se le cerca. Chieu nu bete ca ogliu li mancu te rispettu né a iddhru né a tie, ma nu biti ce cumbina? Invece le troa le anime bone ne le caccia te lu Paratisu, e poi, dopu ca ne le caccia ole quiddhre te l’auri cu fazza bella figura e poi, iti ce cappa? Troa nu saccu, bellu friscu friscu e bole se ne lu porta cu tutte l’anime mei!

• Eh! Mesciu Giuanne, nu castimare puru annanzi a mie! Ca le anime nu suntu né soi né toi, ma sulamente mei!

• Scusa Maestru! Ci lu minte an dubbiu? Se capisce ca su tutte toi! Ca ddhru saccu pe’ tie l’ìa ccotu, chinu chinu te anime! Ma chieu ticu, no? Se l’aggiu ccote chieu percé me l’ìa gliare iddhru cu fazza bella figura cu tie? Nu te l’ìa putute nucire chieu?

• Certamente! – disse lu Signore. – Se l’intenzione toa era quista, allora nu te possu ca lodare!

• Comu lodare? – critàu San Pietru. – Signore, chieu stau ancora taccatu a stu saccu e mancu nu minutu arretu stu pacciu ulìa me binchia te mazzate!

• Già! Ma tie ulì te futti l’anime mei!

• Ntorna! Nci l’hai ca l’anime suntu toi! – tisse Gesù.

• Cioè, ulìa dicu, l’anime te lu saccu miu ca ìa purtare a tie.

• Ah! Moi te ggiusti!

• Signore, llibberame! Ca mancu Santa Pacienza me po’ dare na manu!

• Ma chieu caru Pietru miu, nu te possu llibberare se Mesciu Giuanne nu mbole, ricordate ca l’aggiu fatta la grazia te lu saccu, cu nci ncoddhra ci lu piglia senza permessu sou, e ce te criti ca possu fare preferenze propriu chieu, mo ca tie si lu santu preferitu miu? Ogni promessa ete nu tebbitu, ficurate na grazia!

• Tie nu la sai? – tisse a ddhru puntu lu Mesciu. – Se dice: nu fare mai promesse a fimmine, né voti a santi! E sai percène? Percé l’hai mantinire!

• Ma tie nu si santu! Tie sinti nu tiaulu!

• Nu bete veru! Tutte calunnie! Lu tiaulu nu m’ha bulutu e ha scrittu sulla porta ca me proibbisce la trasuta allu nfiernu pe’ l’eternità. Allora, ce aggiu fare? Famme trasire an Paratisu, Signore, e biti ca dentu lu cchiù umile te li beati toi, lu cchiù devotu te li santi.

• Sì, anzi, Santu! – fice San Pietru. – Al massimu, aspirante o apprendista.

• Va bene, allora! Te oci annanzi sarai ammessu al miu cospettu an Paratisu. San Pietru sarà lu capu te la ducazione e de lu comportamentu tou e hai fare tuttu quiddhru ca te tice, se no te sistemo chieu, poi, pe’ sempre.

• Sine! Sine, grazie Signore! grazie! Mena, San Pietru. Lassa lu saccu e sciamune an Paratisu ca l’ordini te lu Signore nu se discutune!

• San Pietru se azzàu e se scutulàu la tunica. – Va bene! – tisse, – Hai riuscitu convinci puru lu Signore, ma a mie nu me pigli pe’ fessa. Hai ntisu ce ha dittu, no? Hai stare all’ordini mei e su guai pe’ tie se nu me sienti.

(continua crai o nu giurnu te quisti quai)